Unos ng Nakaraan by Sophia Vien Andongo

Sa labing-apat na taong pamamalagi sa mundo

Nakita ko ang iba't ibang gawi ng tao
Ako'y nagbabaybay sa ganda ng palasyo
At napatunayang kasiyaha'y may kakambal na gulo

Nasilayan ko ang babaeng may dalang sanggol

Narinig ang sigaw at kanyang mga ungol

Balahibo'y tumaas, Damdami'y humiyaw

Palayain! Kalayaa'y Dumudungaw

Maling paggamit ng Kalayaan!

Nagbunga ng kahirapa't kahihiyan

Ngayo'y susuungin ang bagsik ng nakaraan

Pupunuan ang mga nakaligtaang pananagutan

Tama! May kalayaang magmahal

Ngunit lagi lang tatandaan

Sa bawat aksyon may kaakibat na limitasyon

Ang bawat desisyo’y nakalaan sa tamang panahon